Home > Comunicaos > Apoyu a les 5 sindicalistes d’Intersindical Canaria que van ser xulgaes

Apoyu a les 5 sindicalistes d’Intersindical Canaria que van ser xulgaes

LA ORGANIZACIÓN DE MUYERES DE SUATEA AMUESA’L SO APOYU A LES 5 SINDICALISTES D’INTERSINDICAL CANARIA QUE VAN SER XULGAES ESTI 29 DE XUNETU POR ESPRESAR PÚBLICAMENTE’L SO REFUGU A LA REFORMA LLABORAL EN 2012 NA C.A. DE LAS PALMAS

Los fechos causantes del xuiciu d’esti 29 de xunetu en Las Palmas, refiérense a la manifestación pública que 5 compañeres d’Intersindical Canaria, “movíes por un interés de protesta y manifestación contraria a la reforma llaboral”, entrando “pacíficamente” nes dependencies “públiques” del CCE,  espresaron el 8 de Marzo de 1012, onde desplegaron una pancarta cola conseña “Mujeres Canarias contra la reforma laboral”.

Dicha  protesta pacífica interpretáronla’l fiscal y la xueza Victoria Rosell  como  un delitu por “allanamientu de morada”,mancadures”, y “delitos ensin especificar“, proponiendo la pena pa les encausaes d’UN AÑU DE PRISIÓN, inhabilitación especial pal derechu de sufraxu pasivu pel tiempu de condena y abonu de les costes.  Nesa interpretación  amorgona una voluntá esplícita d’amordazar y acallar  los movimientos de protesta, tanto sindicales como populares, que contrarios a les formes de facer política de quien gobiernen pa los mercaos financieros y non pa la ciudadanía, llevanten la so lexítima y obligada voz de protesta pa refugar lo qu’entienden, y los datos sobre los resultaos de dicha reforma llaboral asina amosaron, polítiques enforma dañibles pa les y los trabayadores d’esti país, en tanto que supunxeron un empioramientu y precarización de les condiciones llaborales pa la clase trabayadora y por contra faen medrar les tases de beneficiu pa la patronal, “ente” representáu pola CCE, llugar onde se fexo la protesta sindical.

La llibertá d’espresión, l’exerciciu del derechu sindical y la defensa de los derechos llaborales y sociales de la ciudadanía son principios sobre los que se tien tou estáu democráticu. Francer estos principios supón romper les normes del “xuegu democráticu” y dar carta abierta a les polítiques autoritaries de los estaos dictatoriales y tiránicos, onde la protesta de la ciudadanía pasa de ser l’exerciciu d’un derechu a un actu imputable de delitu y  criminalización.

La Organización de Muyeres de SUATEA, defensora d’una Xusticia ecuánime qu’avale’l respetu a los principios democráticos de los derechos fundamentales de les persones, amuesa’l so refugu a tou actu pacíficu que suponga la represión contra la protesta y inconformismu del movimientu sindical  y ciudadanu que reivindica la defensa de los derechos llaborales  y sociales de toos y toles trabayadores d’esti país. Por eso amosamos tol nuestru apoyu  a les 5 muyeres,  Luci Rodríguez, Asunción García, Guacimara Vera, Pino Monzón y Aisha Hernández d’Intersindical Canaria, que van ser xulgaes esti 29 de xunetu pol ejerciciu de la so función sindical  y defensa de los derechos llaborales de los y les trabayadoras.

                                           Organización de Muyeres  de SUATEA

                                                                                      Uviéu, 28 xunetu de 2014

Esta entrada tamién se puede consultar en: Castellanu