Home > Profesoráu > Profesoráu interín > Alcuerdu d’interinos: última hora

Alcuerdu d’interinos: última hora

La Conseyería d’Educación convocó a los sindicatos a una nueva reunión de la Mesa Sectorial pal próximu xueves 27 de marzu. Nun se fizo entrega de nengún nuevu documentu, polo que sobre la mesa sigue la propuesta conocía que caltien los elementos más perxudiciales pal profesoráu interín.SUATEA defenderá la estabilidá d’estos docentes. Les cuestiones irrenunciables pal nuestru sindicatu son:

  • La desvinculación ente’l mantenimientu nes llistes y les oposiciones
  • Priorizar el pesu de la esperiencia docente en centros públicos frente a otros méritos
  • Eliminación de la nota mínima pa que l’apartáu de nota d’oposición compute
  • Valorar la nota d’oposición más favoratible ensin poner llímites por años determinaos o sistemes d’oposiciones
  • La valoración específica de los servicios prestaos na nuestra Comunidá

Siguiremos llevando una campaña informativa polos centros allertando a tol colectivu sobre les graves implicaciones que tien la propuesta de l’alministración pal so futuru llaboral. Recordemos que tamos falando de la cuarta parte de los docentes asturianos y polo tanto les repercusiones nos centros afectará ensin remediu a la calidá educativa.

Uviéu, 25 de marzu de 2014

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344