Home > Aición sindical > Al cocelo mengua: la nómina de los docentes d’Asturies ye menos de lo que nos cuenten

Al cocelo mengua: la nómina de los docentes d’Asturies ye menos de lo que nos cuenten

Nómina mayestrosL’importe de la nómina d’un docente qu’entama trabayar n’Asturies (ensin trienios nin sexenios) ye de 1.947,58€ en Primaria y de 2.188,58€ nel casu de Secundaria.

Esti importe ta alloñáu de los 2.059€ en Primaria y los 2.395€ pa Secundaria que s’indica nel estudiu qu’apaez na prensa y que tien como fonte FETE-UGT.

Los docentes asturianos pasen de tar per riba de la media estatal nes sos retribuciones según FETE-UGT a tar realmente na cola, únicamente per encima de los docentes de Baleares. Esta campaña de llaváu de cara al gobiernu asturianu, que presume de ser l’antítesis del gobiernu central, ye cenciello desmontala con únicamente enseñar les nómines de dos docentes asturianos d’esti mesmu mes de marzu, de les qu’eliminamos los importes correspondientes a l’antigüedá.

Dende SUATEA tamos desenvolviendo una campaña d’esixencia de meyora de les condiciones salariales y llaborales del profesoráu asturianu ante los partíos políticos que se presenten a les elecciones autonómiques d’esti mes de mayu p’algamar el compromisu de facer efectives estes meyores en casu de llegar al Gobiernu.

1. Nómina Cuerpu de Mayestros
Nómina mayestros
2. Nómina Cuerpu de Profesores
Nómina Secundaria

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344