Home > Aición sindical > 5 d’Ochobre: Día del personal docente

5 d’Ochobre: Día del personal docente

DERECHU A LA EDUCACIÓN IMPLICA’L DERECHU A DOCENTES CUALIFICAES”

 

Anguaño, como nos últimos venticuatro, escoyemos el 5 d’Ochobre pa celebrar el día del y de la docente, que conmemora l’Encamientu conxuntu de la OIT y l’UNESCO relativa a la situación del personal docente, fecha 1966. Esti encamientu constitúi l’instrumentu normativu fundamental pa tratar los derechos y les responsabilidaes del personal docente, y tamién  les normes pa la formación inicial y permanente, la contratación, les condiciones d’empléu y les condiciones d’enseñanza y deprendimientu. Por cuenta de esta celebración, la UNESCO quier aprovechar la conmemoración de 2018 para recordar a la comunidá internacional que “el derechu a la educación implica’l derechu a docentes cualificaos”.  Si na Declaración Universal de Derechos Humanos (1948) se reconoz la educación como un derechu fundamental, ésti nun puede cumplise ensin docentes cualificaes.

Na Organización de Muyeres de la Confederación Intersindical tamos convencíes de que la educación puede y tien que ser el motor del cambéu p’avanzar na consecución d’una sociedá xusta y equitativa. Polo tanto, ye fundamental cuntar con docentes, comprometíes personalmente cola educación pal cambéu social, y tamién actualizaes na nuesa formación pa poder enfrentar los múltiples retos a los que mos somete la realidá diverso y cambiante de los centros.

Esta formación pedagóxica tien de tar presente en tola nuesa trayectoria profesional, al traviés d’un serviciu formativu públicu y calidable, ufiertáu namás poles alministraciones educatives, p’acabar cola mercantilización qu’esiste na actualidá.

No que cinca al derechu a la educación, nun hai qu’escaecer qu’esiste un importante sesgu de xéneru; según datos de la UNESCO, nel mundu hai 495 millones de muyeres en condición d’analfabetismu de les que 36 millones, son neñes. Amás, ún de los principales desafíos a escala mundial, sigue siendo la falta de docentes. Calcúlase que, en total, 264 millones de neños, neñes y xente mozo tán ensin escolarizar y, según l’Institutu d’Estadística de la UNESCO, ye menester contratar de nueves a unos 69 millones de docentes p’algamar l’oxetivu d’impartir educación universal primaria y secundaria d’equí a 2030.

Nun podemos resalvar, nesti día, que’l personal docente ye, mayoritariamente, femenino. Por ello, dende la Organización de Muyeres de la Confederación Intersindical, celebramos l’enfotu demostráu nos nuesos puestos de trabayu, a pesar de les dificultaes a que mos siguimos enfrentando por cuestión de xéneru. La discriminación llaboral que sufren les docentes por motivos de xestación, maternidá y lactancia (sobre too les interines y funcionaries en práctiques),  torga l’accesu a un puestu de trabayu, la perda de l’antigüedá  frente a los compañeros varones, y la dificultá pa poder llevar a la vez trabayu, formación y familia.

Madrid, 5 d’ochobre de 2018

La Secretaría de Muyer de SUATEA y l’Organización de Muyeres CI

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 3743