SUATEA | Sindicatu Unitariu Autónomu de Trabayadores de la Enseñanza d'Asturies educación, asturias, educastur, oposiciones, enseñanza, marea verde, pública, escuela, colegio, instituto, interinos,
Esta entrada está disponible en: Castellano (Castellanu)
| Celebráu añalmente’l 5 d’ochobre dende 1994, el Día mundial de les y los docentes conmemora l’aniversariu de la suscripción del Encamientu de la OIT y l’UNESCO relativa a la Situación del Personal Docente (1966). Esti Encamientu establez criterios de referencia tocantes a los derechos y responsabilidaes del personal docente y normes pa la so formación inicial y perfeccionamiento, la contratación, l’empléu, y les condiciones d’enseñanza y aprendizaxe. La UNESCO cifra en 69 millones el déficit de docentes a nivel mundial. La escasez ye más aguda n’África y el sur d’Asia, onde les cifres de matriculación tán disparándose de resultes del cambéu demográficu y de los esfuerzos por promover una mayor igualdá, lo que significa que más neñes y muyeres cursen estudios y, cada vez más, en niveles cimeros. Amás, l’oficiu tien dificultaes p’atraer, reclutar y retener a nuevos talentos, yá que sufre un estatus bastante baxu y una posición social que nun se correspuende cola importancia que se-y debe dar. En resume, a nivel mundial el númberu de docentes ye insuficiente, les aules tán superpoblaes y el personal atópase sobrecargado de trabayu, desmotivado y ensin sofitu. Nel Estáu español, según un recién artículu de “eldiario.es” (2 d’ochobre de 2022), la educación nun consiguió recuperase de los retayos que’l PP impunxo por aciu l’aprobación del Real Decretu 14/2012 de midíes urxentes de racionalización del gastu públicu nel ámbitu educativu que auspició el exministro José Ignacio Wert y robló Mariano Rajoy. Xubieron les ratios alumnáu/aula, aumentóse les hores lectives del profesoráu -lo qu’implicó l’amenorgamientu de contrataciones-, conxeláronse los sueldos, dexáronse de cubrir les xubilaciones, impúnxose un periodu de 10 díes para poder sustituyir les baxes; paralizáronse oposiciones y esquilmóse la rede de formación, cerrando centros de profesoráu y recursos; y remaneció la necesidá imperiosa d’anovar. Citando a Rosa Cañadell (Cañadell, Corominas y Hirtt, 2020, p.121) “Nun dexa de ser interesáu que nun momentu nel que’l gastu destináu a educación menguó de manera esponencial hasta asitianos a lo cabero de la Unión Europea, promocionárase la idea de que nun hai qu’invertir más, sinón camudar les metodoloxíes para ameyorar la educación, y de que si nel nuesu país la educación nun funciona como sería deseable ye por culpa de la falta de formación del profesoráu (que la so rede esquilmaron) y d’unes metodoloxíes non apoderaes pa la sociedá del sieglu XXI. Y asina acallantar les posibles protestes contra los retayos nos presupuestos educativos”. Paralelamente foise devaluando’l prestíu del oficiu docente –xustu cuando les muyeres son mayoría, tamién, nes enseñances medies-, según el valor de los conteníos -xustu cuando s’esixe la visibilización de les muyeres nes distintes cañes del saber a lo llargo de la hestoria-. Paez ser qu’agora lo más importante ye entrenar competencies y emplegar soportes y aplicaciones informátiques: anovar. Anovar el qué ¿qué ye, que yá consiguimos la igualdá d’oportunidaes, la emancipación individual y colectivo, yá erradicamos el machismu, el racismu, la inxusticia social, l’escosamientu del planeta? Dende la Organización de Muyeres de la Confederación Intersindical siguimos lluchando pola escuela pública como oxetivu políticamente prioritariu, pola dignificación y el prestíu del oficiu docente y pola coeducación como única forma d’enseñar al alumnáu, les persones que van camudar la sociedá, una ciudadanía verdaderamente democrática. Ciclo de conferencies “Maestres d’escuela: Conocimientu, trabayu, valor y pasión” CAMPAÑA DE LA CME POR EL DÍA DEL DOCENTE (5/10/22) |
Esta entrada está disponible en: Castellano (Castellanu)
