26 de setiembre. Día Européu de les Llingües 2021: Pola diversidá llingüística y cultural

Esta entrada está disponible en: Castellano (Castellanu)

Dende la Confederación Intersindical sumémonos a la celebración del Día Européu de les Llingües, coles mires de siguir trabayando na promoción y defensa de les llingües minoritaries y minorizaes de los nuesos territorios. Güei más que nunca tenemos d’atender a la diversidá cultural y llingüística y aprender a vivir nun entornu global cada vegada más plural.

Esta celebración, qu’empicipió l’añu 2001, tien como ún de los sos oxetivos promover la bayura de la diversidá llingüística d’Europa; una riqueza qu’hai que caltener y potenciar.

Polo que se refier a la enseñanza, dende la Confederación Intersindical vamos siguir trabayando pa que les llingües oficiales y les propies de los territorios que tán en procesu de normalización llingüística (catalán, euskera, gallegu, asturianu y aragonés) sían llingües vehiculares de la enseñanza y de comunicación interna y esterna, de manera que se garantice la so progresiva normalización. D’esta manera, dende la escuela podrá trabayase por una verdadera y necesaria integración y cohesión social.

Énte l’anteproyectu de Llei Audiovisual que’l Gobiernu español dio a conocer va pocos díes, aprovechamos esta xornada para reafitar la nuesa defensa de los derechos culturales y llingüísticos de les otres llingües del Estáu distintes del castellán. El redactáu actual atenta contra unu de los usos sociales más importantes d’una llingua en plenu sieglu XXI, como ye la ufierta dixital de conteníos audiovisuales, yá sía en plataformes en llinia o canales televisives.

Consideramos imprescindible que la futura Llei Audiovisual incorpore garantíes y cuotes pa les llingües de los territorios en procesu de normalización llingüística, en too aquello relacionao cola producción de conteníos, el so espardimientu y emisión. Tamién va tener qu’incluyir midíes pa ufiertar una reciprocidá comunicativa ente autonomíes que comparten llingua.

Les llingües catalana, euskera, gallega, asturiana y aragonesa son un patrimoniu cultural del Estáu español y tienen de ser oxetu d’una especial protección. Nel Día Européu de les Llingües hai que reivindicar, una vegada más, que’l pluralismu llingüístico y cultural tien que ser unu de los principios básicos de la nuesa sociedá.

Secretariáu de la Confederación Intersindical

Print Friendly, PDF & Email

Esta entrada está disponible en: Castellano (Castellanu)


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757