25S. Por un futuru pal personal interino

Esti sábadu día 25 de setiembre realizóse en Madrid una manifestación convocada por distintes organizaciones sindicales de tol Estáu. L’oxetivu foi’l de tornar coles movilizaciones del personal temporal ya interino pa la estabilización de los puestos de trabayu tres el paréntesis del mes d’agostu.
Hai que recordar qu’a primeros del mes de xunetu róblose l’alcuerdu ente’l ministru Miquel Iceta y los sindicatos mayoritarios qu’amenó un refugu xeneralizáu ente’l personal interino cuidao qu’en llugar d’estabilizar a les persones que lleven años ya inclusive décades de trabayu precariu, ufiértase una convocatoria xeneralizada d’oposiciones que nun tien en cuenta los encamientos de les instituciones europees que conderguen l’abusu de contratación y piden una sanción a esi abusu.
La tramitación d’un RD nel Parlamentu abre un periodu nel que tenemos de movilizanos pa defender los puestos de trabayu. Esta movilización del pasáu sábadu 25 inscríbese nel ciclu de movilizaciones p’algamar la naguada estabilización y fixeza.

-CONFEDERACIÓN INTERSINDICAL: Videorreportaxe de la Manifestación 25 de septiembre

–USTEA: Presente y futuro del personal interino: Movilización 25S

–STEC- IC: Videu de l’asamblea del profesoráu interino

–Confederación Intersindical (llunes 20 de septiembre): Llamada a la participación na manifestación del 25

Formulariu d’ apoyu a la Manifestación 25 de septiembre – ¡FIXEZA YÁ!–