25N – ¡Fartes, pero imparables!

Esta entrada está disponible en: Castellano (Castellanu)

2021, LES VÍCTIMES SIGUEN…TAMOS FARTES! FARTES! PERO IMPARABLES!
Tamos a les puertes nun 25N que cada añu recuerda a les víctimes de violencia machista , a los sos güérfanos/es y a aquellos fíos y fíes que fueron oxetu de violencia vicaria.
A 19 de payares de 2021, asesináronse nel Estáu Español 37 muyeres de les que 17 l’agresor foi la so pareya; 29 d’elles nun denunciaren. Les autoridaes aportunen na necesidá de denunciar pa poder llograr ayuda y protección. Esta llaceria convirtióse n’asuntu de toes y toos si queremos que dalgún día tenga fin.
La sociedá tien la obligación de denunciar si percibe violencia machista al so alredor o de forma personal. La denuncia ye l’únicu camín pa nun llegar a la muerte na mayoría d’ocasiones. Cada vez son más los güérfanos/es que ven esgonciaes les sos vides dempués del asesinatu de les madres. La violencia vicaria acabó yá cola vida de 40 neños/as dende 2014, onde’l principal fin ye faer el mayor dañu posible a la muyer, la llamada “muerte en vida de les madres”.
Les violencies machistes non solo son les muertes, ye alarmante la medría de violaciones, sobremanera, grupales. El primer trimestre del 2021 rexistró un 24,6% más d’agresiones con penetración en comparanza col últimu cuatrimestre de 2020. Denúnciense 6 agresiones sexuales con penetración acaldía nel Estáu Español y a 16 de payares d’anguaño cuntamos con 1.601 denuncies por violación. Son violencies en forma d’agresiones y abusos sexuales, acosu sexual, ciberacosu sexual, l’exhibicionismu sexual o la esplotación sexual. ¿ Aú vamos llegar? Les muyeres corremos un peligru añedíu al de la mesma vida, que ye ser muyer y oxetu de cualesquier malváu que s’encruz nel nuesu camín.
Ye cuestión d’un cambéu estructural y mental de la nuesa sociedá, hai que buscar el xerme machista y esanicialu día tres día, xestu tres xestu, acción tres acción, ye un esfuerzu común necesariu, porque la situación de les muyeres nel mundu, llueñe d’ameyorar, recula en tolo que tien que ver con violencies machistes. Concenciar en que les muyeres somos seres humanos y nun pertenecemos a nengún home ¿ye tan difícil? paez que sí.
El Ministeriu d’Igualdá empezó a diseñar y ellaborar la Estratexa Estatal pal “Esaninciu de les Violencies Machistes” como preséu de planificación y ordenación de toles actuaciones nel ámbitu de les polítiques públiques destinaes a prevenir y combatir la violencia contra les muyeres nos próximos años. El problema vien de que se dieron un plazu de cuatro años, esto ye, del 2021-25, enforma tiempu pa un problema que rique midíes urxentes yá. El Pactu d’Estáu contra la Violencia de Xéneru remata la so vixencia en 2022, ¿tase yá trabayando nello? O ¿vamos esperar a que remate y planiemos otru pa terminalu en 2030?
La Organización de Muyeres espera que too se planie y estudie con tiempu si nun queremos llamentar más violencies machistes. Tamién esperamos qu’esos 35 millones d’euros , que promete’l presidente del Gobiernu, pal caltenimientu y meyora del 016 al serviciu de teleprotección pa víctimes de violencia machista sía real y aumente el presupuestu d’otros ámbitos de protección a les víctimes.
Como diz Almudena Grandes: “Nun nos maten por ser muyeres, pol fechu de ser muyeres; mátennos porque, como somos muyeres , creen que puen faelo”

Madrid 24 de payares de 2021
Resolución del Plenu de STEs
ORGANIZACIÓN DE MUYERES DE LA CONFEDERACIÓN INTERSINDICAL

RECUERDA QUE NUN TAS SOLA:
-TELÉFONU: 016
-EMAIL: 016-onlineigualdad.gob.es
-WhatsApp: 600 000 016

LES MUYERES TAMOS:

  • FARTES DE QUE NOS MATEN
  • FARTES DE QUE MATEN A LES NUESES FÍES Y FÍOS
  • FARTES DE TENER MIEU DE SALIR SOLES A LA CAI FARTES
  • DE QUE CUESTIONEN CÓMO VISTIMOS
  • FARTES DE QUE NOS DIGAN LO QUE TENEMOS QUE FAER Y CÓMO FAELO FARTES
  • DE QUE NOS DIGAN QUÉ TENEMOS QUE PENSAR Y CÓMO FAELO

¡¡FARTES, FARTES, FARTES…, PERO IMPARABLES!!

25 de payares de 2021 | Organización de Muyeres de la Confederación Intersindical y SUATEA

Print Friendly, PDF & Email

Esta entrada está disponible en: Castellano (Castellanu)


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4757