23S, día internacional contra la trata con finalidá d’esplotación sexual 2021

Esta entrada está disponible en: Castellano (Castellanu)

Les cifres son contundentes. Nel mundu , el 84% del tráficu de seres humanos realízase col envís d’esplotación sexual. Dientro d’esti porcentaxe, el 94% de les víctimes son muyeres y neñes . N’España, estrata ye la esclavitú del sieglu XXI.

L’estáu español ye’l país d’Europa con mayor demanda de sexu pago. El porcentaxe que s’esprende del últimu estudiu realizáu pola ONU ye amolador : el 39% de los homes n’edá adulta pagó en dalguna ocasión pacaltener relaciones sexuales con una muyer . Díxitos que nos asitien de cabezaleros ente los países europeos y como tercer estáu a nivel mundial onde más prostitución se consume.

Una realidá que lleva detrás infinidá de rellatos d’esclavización , qu’empioraron cola crisis del coronavirus . Nel confinamientu, les alministraciones nun punxeron abondos medios pa dar una respuesta real y efectiva a les necesidaes de les muyeres prostituyíes y, una vegada rematáu l’estáu d’alarma, too sigue igual, que ye lo mesmo que dicir que too sigue peor. En llugar d’aprovechar que se cerraren los chamizos (que son auténticos campos de concentración, en palabres d’Amelia Tiganus) pa entamar un plan sistemáticu d’insertamientu y acoyida, les autoridaes dexaron otra vez a les muyeres al rixu de proxenetes y de violadores previu pagu. Amás, les asociaciones qu’atienden a estes muyeres tuvieron bien de torgues pa poder llegar a elles en pisos, retondes y polígonos , lo que ye dafechu imprescindible pa que puedan empecipiar el camín de salida del infiernu onde viven.

La otra cara de la moneda de la miseria que viven les muyeres prostituyíes son la bayura beneficios que producen. Dende l’añu 2014 y por normativa europea, introducióse una estimación de cuánto apurre la prostitución al Productu Interior Brutu. Según el INE, la estimación ye que’l sexu pago representa un 0,35% del PIB, lo que supón 4.100 millones d’euros añales. Esta fargatada perres por cuenta’l crime y la violencia sobro la muyer exercida por traficantes, proxenetes y consumidores de prostitución, ye consentida pol estáu. Sobro toos, tien de cayer el pesu de la llei, dende’l primeru hasta’l postreru, el mal llamáu “veceru”, que nun tien nengún problema en pagar por tener sexu con una muyer que nun lo deseya y que nuna peralta probabilidá ye víctima de trata.

La Organización de Muyeres de la Confederación Intersindical trabaya por qu’esista un mundu onde nengún home se crea con derechu da pagar por satisfaer los sos deseos sexuales, y por eso ye menester una verdadera coeducación que faiga que los nuesos neños/es sepan establecer relaciones igualitaries. Como diz Rosa Cobo Bedía: “la prostitución ye una escuela de la desigualdá, una y bones los nuesos neños son educaos sabiendo qu’en cualquier momentu y por un módicu preciu van poder aportar al cuerpu d’una muyer. Y hai una verdadera coeducación que faiga que les nueses neñes s’empoderen y nun crean que les sos vides y cuerpos tán a disposición de los homes.”
La sociedá nun puede dar el llombu a esta vergüenza.¡ Querémosmos vives y llibres!

Print Friendly, PDF & Email

Esta entrada está disponible en: Castellano (Castellanu)