Home > Comunicaos > 23 de Setiembre: Día Internacional contra la Esplotación Sexual y la Trata de Persones.

23 de Setiembre: Día Internacional contra la Esplotación Sexual y la Trata de Persones.

El 23 de setiembre ye’l día que representa la llucha contra la esplotación sexual y la trata de persones, na so mayoría muyeres y neñes. Instauráu esti día en 1999 en Bangladés pola Coalición Internacional contra’l Tráficu de Muyeres.

Ye imposible dixebrar los términos esplotación y trata , foi Arxentina’l primer país, en detectando’l ila bayura de persones que diben a esta tierra a exercer la prostitución , quien cola llamada “Llei Palacios” marcó l’entamu de la llucha contra la esclavización de muyeres, neños y neñes pa exercer forzadamente la prostitución. Les mafies que s’encarguen d’esti tipu de trata con fines sexuales muévense con llibertá perdayuri. Aprovechar la vulnerabilidá de persones, casi siempres de muyeres y neñes, que carecen la llamada “feminización de la probeza” y desesperación énte un futuru inciertu y desgarrador, ye cenciello y cruel.

Nun tenemos que viaxar a países del llamáu Tercer Mundu pa poder atopar casos de trata y esplotación sexual, n’Europa y en concretu n’España , ye fácil ver cómo les mafies actúen de manera impune y delictiva, engañando a la mesma Llei. Los españoles son los mayores consumidores de sexu pago de tola UE, un 39% de los españoles aseguren pagar dalguna vegada por ello. La Organización Internacional de les Migraciones denuncien que mediu millón de muyeres son esplotaes cada añu nos mercaos europeos de prostitución.

La trata de seres humanos nun dexa de ser otra “violencia machista”porque afecta d’una forma mayoritaria a muyeres y neñes de tol mundu y porque son sometíes a un gran nivel de violencia, sobremanera nos casos de trata con fines d’esplotación sexual. Ensin abandonar España, cuidao que ye’l mayor consumidor de prostitución de la UE y unu de los primeros nel mundu, vemos qu’esti “codalosu negociu” xenera unos cinco millones d’euros al día, aumentando esponencialmente. Equí la prostitución nun ye un delitu y, anque sí castiga la esplotación sexual, les muyeres nun s’atreven a denunciar a los sos “amos sexuales” por mieu. Cada vez son más los chamizos a lo ancho y llargo del nuesu territoriu y más nuevos los veceros qu’alleguen, porque ven una forma cenciella de llograr sexu.

Na nuesa lexislación atopamos :

El Plan Integral de Llucha Contra la Trata de Muyeres y Neñes con Fines d’Esplotación Sexual (2015-2018) aprobáu pol Conseyu de Ministros el 18 de setiembre de 2015. Establez una serie de prioridaes, oxetivos y midíes pa encariar la trata de muyeres y neñes con fines d’esplotación sexual, definiendo les unidaes alministratives competentes pa implementales, amás d’aquelles entidaes que van poder collaborar na so execución.

Rescampla que l’Alministración tien de plantegase que daqué se ta faciendo bien mal cuando siguen llegando a España muyeres y neñes engañaes o coaccionaes pa exercer la prostitución. Na mayoría d’ocasiones creen un venceyu de dependencia colos sos proxenetes fuerte, que-yos torga dir más allá de la situación que tienen porque fuera nun hai salida pa elles, o asina-yos lo faen ver.

Dende la Organización de Muyeres de la Confederación Intersindical nun vamos dexar d’aportunar añu tres d’añu en denunciar esta situación real d’esclavismu sexual , que llueñe de ser abolíu y escorríu, les cifres d’estes muyeres enchen añu tres d’añu con total impunidá. Nun sabemos si ye que los nuesos Gobiernos nun se dan cuenta de qu’ASINA NON, siguimos ensin midíes importantes y contundentes qu’esanicien esta lacra machista. UN CAMÍN ENSIN TRATA NIN ESPLOTACIÓN SEXUAL. YE LA NUESA META

El Secretariáu de SUATEA

N’Uviéu a 23 de setiembre de 2020

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344