SUATEA aconceyó cola Conseyera d’Educación

Esta entrada está disponible en: Castellano (Castellanu)

SUATEA aconceyó cola Conseyera  d’Educación

Na mañana de güei, 21 d’ochobre, una representación de SUATEA aconceyó cola Conseyera d’Educación, Carmen Suárez. Nesta xunta billateral, de dos hores llargues de duración, fíxose-y entrega d’un dossier de 27 páxines con propuestes pa esti cursu. Nun clima que puede calificase de cordial, analizáronse los aspeutos que consideramos urxentes de cara a asitiar la problemática de la Escuela Pública asturiana.

Los temes trataos fueron múltiples, tomando aspeutos como les ratios d’alumnáu, xubilaciones, permisos y llicencies (permisu por asuntos particulares o “moscosos” y el permisu parcialmente retribuyíu o “añu sabáticu”), la problemática de llingua asturiana y gallego-asturianu, onde demandemos se cubrieren les places de profesoráu tovía vacantes, trabayar pola oficialidá cumpliendo puramente la Llei d’Usu, qu’obliga a ufiertar les nuestres llingües en tolos niveles educativos, y tamién la creación de la especialidá; tamién se presentaron propuestes sobre igualdá, coeducación y sobre derechos llaborales rellacionaos la maternidá y el permisu de lactancia.

Hai que destacardellos apartaos que consideramos relevantes, como’l referíu a les condiciones llaborales del profesoráu asturianu. Nesti ámbitu, encetóse’l grau de cumplimientu del Alcuerdu referíu a les 18 hores lectives en Secundaria. Énte la denuncia d’un importante nivel d’incumplimientu de roblar, la Sra. conseyera comprometer a percanciar datos concretos sobro l’asuntu. Reclamamos, como asuntu prioritariu pa esti cursu, l’amenorgamientu de la xornada llectiva del Cuerpu de Maestros a 23 hores. Igualmente plantegamos que s’abriere la negociación pal amenorgamientu d’hores lectives, ensin merma retributiva, del profesoráu con más de 55 años, como asocedena mayor parte de les CCAA.

Con respeuto de la situación del profesoráu interín, dende SUATEA tresmitimos la necesidád’axustar un nuevu alcuerdu de profesoráu interín. El que ta anguaño a valir, robláu por Anpe y UXT, discrimina a esti colectivu respectu al d’otres CCAA, cuidao que fomenta la rotación nel empléu y nun garantiza la estabilidá.  Tamién fiximos munches propuestes sobro oposiciones y les bases de la convocatoria.

No que cinca a la situación salarial, tratóse la homologación retributiva con respeuto al restu de Comunidaes autónomes. El profesoráu sufrió dende’l 2010 una devaluación salarial constante que supera’l 16%. Amás, l’análisis comparativu con otros territorios asitia al profesoráu asturianu a lo último en salarios. Dende SUATEA propunximos una xubida salarial llineal en forma de complementu autonómicu pa tol profesoráu.

En toes estes cuestiones creemos que primó’l diálogu francu y fluyíu en caúna de les partes. Observemos interés y cierta receptividá énte delles de les nueses propuestes, anque, a la vez, tresmitiósenos que cualesquier posible cambéu ta suxetu siempres a les llendes marcaes poles posibilidaes presupuestaries. En SUATEA pensamos qu’hai que facer un esfuerzu por empezar a romper cola inercia de cursos anteriores, marcaos polos retayos y el retrocesu nes condiciones llaborales del profesoráu

                                                                                          Uviéu 21 d’ochobre 2019

RTVE: Minutu 3.35 del informativu rexonal: http://www.rtve.es/alacarta/videos/panorama-regional/

Print Friendly, PDF & Email

Esta entrada está disponible en: Castellano (Castellanu)