Home > Muyer > ¿Por qué celebramos el Día Internacional de les Neñes?

¿Por qué celebramos el Día Internacional de les Neñes?

Nos últimos años organizaciones como la ONU y UNICEF tán insistiendo na necesidá de celebrar a nivel mundial el Día de les Neñes. Too ello pa recordanos y tomar conciencia de la doble discriminación –por pertenecer a la infancia y por razón de xéneru- en diversos ámbitos que sufren les neñes en tol mundu.

Hai que treslladar la conmemoración del Día de les Neñes a les escueles, espublizando y concenciando sobre los desafíos a los que s’enfrenten les neñes. Son éstes les que s’atopen diariamente en situación de desventaya y como  afirma la ONU, “merecen igualdá d’oportunidaes pa llograr un meyor futuru”.

Son munchos los problemes que viven les neñes tovía güei en plenu sieglu XXI. Munches entá atopen torgues al momentu d’ingresar en dalgún oficiu y otres nin siquier reciben instrucción, porque na so casa prefieren da-y tol sofitu al fíu varón en desterciu de les fíes; son víctimes de matrimonios forzaos antes de los 18 años…

Ye momentu de falar, d’espublizar que les neñes nun gocien de los mesmos derechos de los neños, d’ayudar a acabar con esta desigualdá apurriendo’l nuesu granín d’arena dende les aules.

Démos-yos puxu a midíes pa permediar la balanza tocantes a igualdá de xéneru, camudando los estereotipos de xéneru pa que les moces gocien de les mesmes oportunidaes – dende los 6 años, les neñes consideren que los neños son más propensos a ser brillantes y más aptos pa xeres intelixentes qu’el so propiu xéneru- ufrámos-yos oportunidaes que-yos dexen desenvolvese n’árees como matemátiques, ciencia, tecnoloxía ya inxeniería. Démos-yos tol sofitu y l’orientación vocacional necesaria pa que se dediquen a daqué que realmente-yos apasione y pa lo que sían aptes.

Espublicemos tamién referentes de neñes y moces que tán desafiando’l status quo contra vientu y marea y que, magar ello, siguen alantre y tienen ésitu – como la sueca Greta Thunberg, líder del activismu contra’l cambéu climáticu; Malala Yousafzai, defensora del accesu a la educación de les neñes; o la estadounidense Jack Andraka, inventora d’un sistema pa detectar el cáncer de páncrees.

La Organización de Muyeres de la Confederación Intersindical quier sumase a la celebración del 11 d’ochobre, Día Internacional de la Neña sofitando a les neñes de tol mundu pa qu’inspiren, anueven y tomen les riendes del so futuru.

La Organización de Muyeres de la Confederación Intersindical

                                                                                              11 d’ochobre de 2019

Esta entrada también está disponible en: Castellanu


Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344

Notice: ob_end_flush(): failed to send buffer of zlib output compression (1) in /usr/home/suatea/www/wp-includes/functions.php on line 4344